Jibda Jingħata L-Booster Lil Dawk Li Għandhom Aktar Minn 70 Sena
Mil-lum beda jingħata l-booster tal-vaċċin tal-Covid-19 lil persuni li għandhom ’il fuq minn 70 sena.
Dan ħabbru d-Deputat Prim Ministru u Ministru għas-Saħħa Chris Fearne dalgħodu permezz tal-mezzi soċjali tiegħu fejn qal li dawk il-persuni minn 70 sena ‘il fuq ħa jkunu qed jirċievu l-istedina biex jieħdu l-booster tal-vaċċin.
Huwa tenna li min jirċievi l-appuntament għandu jaċċetta u jmur jitlaqqam kif indikat.
Mil-lum bdejna nagħtu l-#booster tal-vaċċin tal-Covid lil persuni li għandhom ‘il fuq minn 70 sena. Meta tirċievi l-appuntament, ħu l-booster #bSaħħitnaFlimkien pic.twitter.com/x4OnMWQx8U
— Chris Fearne (@chrisfearne) September 27, 2021