“Il-Widien U L-Ispazji Miftuħa Tagħna Huma L-Qofol Ta’ Komunità B’Saħħitha” – Sindku Ta’ San Gwann Trevor Fenech

Parks Malta ta’ kuljum jagħmlu xogħol madwar il-pajjiż fejn jkunu qed jżommu f’kundizzjoni tajba l-ispazji pubbliċi u postijiet fejn il-familji jqattgħu ftit ħin ta’ mistrieħ.

Matul il-ġurnata tal-lum sar tindif f’postijiet pubbliċi f’San Gwann kif ukoll qlugħ ta’ ħaxix ħażin u żbir ta’ siġar sabiex l-ispazji pubbliċi jkunu aktar nodfa u organizzati.

“Il-widien u l-ispazji miftuħa tagħna huma l-qofol ta’ komunità b’saħħitha,” kiteb is-Sindku tal-lokali ta’ San Gwann Trevor Fenech filwaqt li rringrazzja lil Parks Malta tal-għajnuna.