Żewġ Dgħajjes Tas-Sajd Tuneżini Mwaqqfa Mis-Suldati Waqt Li Kienu Qed Jistadu Fl-Ibħra Maltin

Il-Forzi Armati ta’ Malta interċettaw żewġ bastimenti tas-sajd Tuneżini li kienu qed jistadu f’żona tas-sajd Maltija fil-Punent ta’ Għawdex.

Dan il-każ seħħ ilbieraħ fejn fi stqarrija ntqal li s-suldati telgħu abbord dawn iż-żewġ bastimenti tas-sajd u ġew skortati fil-Port il-Kbir tal-Belt Valletta matul il-lejl għal aktar investigazzjoni mid-Dipartiment tas-Sajd ta’ Malta u l-Korp tal-Pulizija ta’ Malta.

Ritratti: AFM