Aġġornat: Aidan Bartolo Arrestat Wara Li Nstab Moħbi Qalb Il-Ħaxix Fil-Miżieb
Wara lejl ta’ tfittxija intensiva u delikata fil-Miżieb u l-inħawi mill-Pulizija b’rabta mal-każ fil-Mellieħa, Aidan Bartolo instab u ġie arrestat ftit wara nofsillejl.
Huwa nstab mistoħbi qalb il-ħaxix għoli u siġar fl-akwati tal-Miżieb.
F’din it-tfittxija ħadu sehem pulizija minn diversi taqsimiet, fosthom l-Iskwadra ta’ Kontra d-Droga u l-Iskwadra tar-Reati Vjolenti fi ħdan id-Dipartiment tar-Reati Maġġuri, l-Ispecial Intervention Unit, Rapid Intervention Unit u t-Taqsima tal-Klieb.
Bħala prekawzjoni ir-raġel ittieħed l-Isptar Mater Dei b’ambulanza, hekk kif kien qed isofri minn xi ġrieħi.
L-investigazzjonijiet tal-Pulizija b’rabta ma’ dan il-każ għadhom għaddejjin, filwaqt li inħatret inkjesta maġisterijali mmexxiha minn Dr Leonard Caruana.
Ara wkoll:
