Traġedja Fi Skola Primarja Tħalli Erbat Itfal Mejta Fl-Awstralja
Erbat itfal mietu u ħamsa oħra ndarbu wara li l-bouncy castle li kienu qed jilgħabu fih tar mar-riħ u waqgħu minn ġo fih.
Dan il-każ seħħ fil-gżira Awstraljana tat-Tażmanja, fil-belt ta’ Devonport.
Huwa rapportat li l-bouncy castle ħakmu r-riħ u għollieh madwar 10 metri mill-art, bil-konsegwenza li żewġ subien u żewġt bniet tal-età bejn għaxra u tnax-il sena mietu fuq il-post.
Dan l-aċċident ikrah seħħ propju dalgħodu waqt li l-iskola kienet qed tiċċelebra Fun Day, propju fl-aħħar ġurnata tas-sena skolastika tagħhom.
Il-Prim Ministru Awstraljan, Scott Morrison iddeskriva l-aċċident bħala wieħed ta’ qsim il-qalb fejn mument ta’ pjaċir għat-tfal inbidel fi traġedja.
Il-Pulizija qed tinvestiga dan il-każ.
Several children have fallen from a height of 10 metres, causing serious injuries, after the wind blew a jumping castle into the air at a primary school in Tasmania’s north-west @abcnews pic.twitter.com/tf01vevPab
— Monte Bovill (@MonteBovill) December 16, 2021
Ritratt: BBC
