Bil-Filmat: Ġurnalisti Joħorġu ‘L Barra Minn Konferenza Li Kienet Indirizzata Minn Macron U Metsola
Ilbieraħ filgħaxija numru ta’ ġurnalisti ħarġu ‘l barra minn konferenza fil-Parlament Ewropew ta’ Strasburgu, fi Franza wara li ma tħallewx jistaqsu mistoqsijiet.
Il-konferenza kienet indirizzata mill-President Franċiż Emanuel Macron u l-President tal-Parlament Ewropew Roberta Metsola wara laqgħa li saret dwar il-Presidenza Ewropeja li mill-ewwel ta’ Jannar sa Ġunju ħa tkun f’idejn Franza.
Macron waqt il-laqgħa qal li waqt din il-Presidenza jixtieq li ssir diskussjoni serja dwar il-protezzjoni tal-ambjent kif ukoll dwar id-dritt tal-mara li twettaq abort. Wara din il-laqgħa kien pjanat li Macron flimkien ma’ Metsola jindirizzaw konferenza u jwieġbu mistoqsijiet tal-ġurnalisti.
Il-kwistjoni eskalat hekk kif il-ġurnalisti kien ilhom siegħa jistennew u hekk kif kienu ħa jibdew jistaqsu l-President Franċiż ħares lejn l-arloġġ u qal li mhux ħa jkun qed jieħu mistoqsijiet mill-ġurnalisti u kien ħa jsir statement biss.
Macron se jkun qed jiffaċċja elezzjoni Presidenzjali f’April li ġej waqt il-Presidenza Ewropea.
European journalists left Macron’s press conference in Strasbourg in protest, when, after several hours of waiting, it turned out that instead of the planned answers to questions, the president (EU chairman for six months) would simply make a statement pic.twitter.com/o79byP0qGQ
— Aleksander Onishchuk (@Brave_spirit81) January 20, 2022
