Sewwieq Ta’ Mutur Jindarab Serjament F’Ħabta Fi Triq Il-Kosta – Iseħħu Żewġ Aċċident Fi Ftit Minuti
Fi ftit minuti fi Triq il-Kosta, direzzjoni lejn il-Qawra seħħew żewġ aċċidenti tat-traffiku, bl-ewwel wieħed ikun ħabta bejn mutur u karozza.
F’dan l-aċċident li seħħ għall-ħabta tal-11am, sewwieq ta’ mutur ta’ 53 sena minn Pembroke weġġa’ serjament.
Mill-ewwel stħarriġ irriżulta li seħħet ħabta bejn mutur tat-tip Harley Davidson XL, misjuq mill-vittma u karozza Citroen C3 misjuqa minn Belġjan ta’ 58 sena.
Is-sewwieq tal-mutur ingħata l-assistenza minn tim mediku, ittieħed l-isptar b’ambulanza u ġie ċċertifikat li weġġa’ serjament.
Il-Maġistrat tal-Għassa Dr Charmaine Galea ġiet infurmata bil-każ u ħatret inkjesta.
L-investigazzjonijiet tal-Pulizija għadhom għaddejjin.
Ara wkoll:
Triq Il-Kosta Direzzjoni Lejn Il-Qawra Tinstab Temporanjament Magħluqa Minħabba Aċċident
Ritratt minn filmat: TVM
