Bil-Filmat: Raġel Jipprova Jivvandalizza L-Mona Lisa Billi Waddbilha Kejk
Daħal fil-Mużew Louvre f’Pariġi fuq siġġu tar-roti liebes ta’ mara anzjana, sakemm wasal quddiem il-Mona Lisa ta’ Leonardo Da Vinci u waddbilha biċċa kejk.
Dan il-każ seħħ ilbieraħ filgħodu quddiem mijiet ta’ viżitaturi li kienu qegħdin iżuru dan il-Mużew f’dak il-ħin.
Fuq il-mezzi soċjali diversi filmati juru dak li ġara filwaqt li dawk li kienu fis-sala dak il-ħin qalu li r-raġel li kien fuq is-siġġu tar-roti f’daqqa waħda qam u waddab biċċa kejk bil-ħsieb li jikkawża l-ħsara.
Maybe this is just nuts to me💀but an man dressed as an old lady jumps out of a wheel chair and attempted to smash the bullet proof glass of the Mona Lisa. Then proceeds to smear cake on the glass, and throws roses everywhere all before being tackled by security. 😂??? pic.twitter.com/OFXdx9eWcM
— Lukeee🧃 (@lukeXC2002) May 29, 2022
Fortunatament l-opra ta’ arti li tpittret fil-bidu tas-seklu 16 ma ġralha l-ebda ħsara minħabba ħġieġa li tinsab quddiem il-pittura biex tipproteġiha minn xi attakki bħal dawn.
Jidher li dan ir-raġel wettaq dan kollu bl-iskop li jwassal messaġġ lil artisti u jqajjem kuxjenza dwar it-tniġġis u t-tibdil fil-klima.
Waqt li kien ħiereġ ‘il barra mill-uffiċjali tas-sigurtà, u beda jgħid, “Aħsbu fid-dinja…artisti, aħsbu fid-dinja. Għalhekk għamilt dak li għamilt.”
Aquí el momento en que se llevan a quien le aventó un pastel a la Monalisa.pic.twitter.com/HBayMOdcKV
— Alejandro Alemán (@elsalonrojo) May 29, 2022
