“Il-Crew Li Sibt Hawn Malta Huwa Fost L-Aqwa Li Qatt Ħdimt Miegħu” – Id-Direttur Tal-Films Ridley Scott
![“Il-Crew Li Sibt Hawn Malta Huwa Fost L-Aqwa Li Qatt Ħdimt Miegħu” – Id-Direttur Tal-Films Ridley Scott](https://stradarjali.com/wp-content/uploads/2022/05/281090681_5405161186174977_3291185805408152112_n-850x560.jpg)
“Ħdimt madwar id-dinja kollha, u l-crew li sibt hawn Malta huwa fost l-aqwa li qatt ħdimt miegħu.”
Hekk qal id-direttur tal-films ta’ fama mondjali Ridley Scott lill-Kummissarju tal-Films Malti Johann Grech hekk kif għadu kemm spiċċa l-filming f’Malta ta’ ‘Napoleon’.
“Kemm jien kburi bil-crew Malti u Għawdxi,” tenna Johann Grech f’messaġġ fuq il-mezzi soċjali tiegħu.
Huwa qal li l-prospetti tagħna għall-industrija tal-films għaż-żmien li ġej huma pożittivi.
“Ser inkomplu naħdmu biex inwettqu aktar. Ser noħolqu industrija tal-films World Class’ f’Malta, b’karrieri għal dawk kollha li jixtiequ jaħdmu fiha,” tenna Grech.
“Komplu ingħaqdu magħna, għax is-suċċess tagħna se niksbuh flimkien,” temm jgħid il-Kummissarju tal-Films Malti Johann Grech.