Iweġġa’ Gravi Wara Li Ttajjar Minn Karozza Fil-Mosta
Raġel ta’ 63 mill-Mosta weġġa’ gravi wara li ttajjar minn karozza.
L-aċċident seħħ illum, għall-ħabta tas-7:30am, fi Triq in-Naġġar, il-Mosta.
Il-Pulizija marret immedjatament fuq il-post u mill-ewwel investigazzjonijiet irriżulta li l-vittma, intlaqat minn Volkswagen Golf li kienet qed tinstaq minn raġel ta’ 35 sena residenti l-Imtarfa.
Il-vittma ngħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li weġġa’ gravi.
Il-Pulizija għaddejja bl-investigazzjonijiet fuq il-każ.