Żagħżugħa Ta’ 21 Sena Ssofri Ġrieħi Gravi F’Ħabta Bejn Tliet Karozzi F’Ħal Kirkop

 Żagħżugħa Ta’ 21 Sena Ssofri Ġrieħi Gravi F’Ħabta Bejn Tliet Karozzi F’Ħal Kirkop

Rumena ta’ 21 sena sofriet ġrieħi gravi f’ħabta bejn tliet karozzi.

L-aċċident seħħ illum, għall-ħabta tat- 8:15am, fi Triq L-Ewwel Titjira 1915, Ħal Kirkop.

Minn stħarriġ preliminari li sar irriżulta li seħħet ħabta bejn tliet vetturi; Toyota Vitz misjuqa mill-vittma li toqgħod il-Gżira, Toyota Vitz misjuqa minn raġel ta’ 36 sena minn Ħal Lija u Nissan Micra misjuqa minn mara ta’ 46 sena residenti ż-Żurrieq.

Fuq il-post issejjaħ tim mediku u ambulanza ħadet lir-Rumena l-Isptar Mater Dei sabiex tingħata l-kura meħtieġa. Aktar tard, hi ġiet iċċertifikata li qed issofri minn ġrieħi gravi.

L-investigazzjonijiet tal-Pulizija għadhom għaddejjin.

Matthew Pullicino

Insegwi b'mod attiv dak kollu li jkun qed jiġri, kemm lokali kif ukoll internazzjonali. Naffaxina ruħi bl-istorja, arti u kultura li għandna f'pajjiżna u dak kollu li huwa Malti. Naħdem ħafna qrib għaqdiet volontarji fil-qasam kulturali u l-esperjenza tiegħi f'dan ix-xogħol nieħu pjaċir naqsamha ma' ħaddieħor.