Il-Ministru Għall-Anzjanità Attiva Jo Etienne Abela Bi Żjara F’Ċentru Ta’ Rijabilitazzjoni Fl-Italja Bil-Għan Li Jkunu Adottati Teknoloġiji Simili F’Pajjiżna
Il-Ministru għall-Anzjanità Attiva Jo Etienne Abela għadu kif żar Ċentru ta’ Rijabilitazzjoni fl-Isptar Padre Pio fil-Puglia fl-Italja fejn ra kif issir rijabilitazzjoni permezz ta’ teknoloġija moderna, robotika u realtà virtwali.
“Ftaħna diskussjonijiet biex dan it-tajjeb nadottawh f’pajjiżna għall-ġid tal-anzjani tagħna”, spjega l-Ministru Abela.
Gli Angeli di Padre Pio huwa sptar tal-ogħla kura u rijabilitazzjoni għall-anzjani. L-iskop huwa li jkunu adottati teknoloġiji simili f’pajjiżna għall-anzjani Maltin u Għawdxin.
