‘Sebastianus Christianus’ – Ġrajja Ta’ Suldat Żagħżugħ Li Jixbaħ Lil Kristu F’Għemilu

Daqshekk huwa qawwi x-xebh bejn iż-żewġ protagonisti. Kristu jħalli għal waqt it-tron ta’ Missieru sabiex jinżel idawwal id-dinja sakemm jerġa’ lura għall-ħajja ta’ dejjem. Mill-palazz imperjali Sebastjan jinżel fil-katakombi biex iqawwi qlub l-Insara, imbagħad lura lejn il-palazz li ma jiġġarraf qatt.

Id-dramm ‘Sebastianus Christianus’ għandu l-kitba ta’ Sebastian Saliba, b’addattament teatrali u direzzjoni ta’ Shaun Formosa. Se jittella’ nhar it-Tlieta 5 u l-Erbgħa 6 ta’ Lulju fit-8:30 ta’ filgħaxija, fiċ-Ċentru Parrokkjali San Sebastjan, Ħal Qormi.

Produzzjoni tad-Drama Pageant Group fi ħdan il-Parroċċa San Sebastjan Martri, bil-kollaborazzjoni tal-Kunsill Lokali ta’ Ħal Qormi.