Il-kritiċi maqdruh, imma kiser ir-rekord tal-box office għall-film animat

Il-film il-ġdid ta’ Super Mario Bros mar kontra dak kollu li ħasbu l-kritiċi u kiser ir-rekords tal-box office; fil-fatt, kiseb l-aqwa ftuħ li qatt kellu film animat. Fl-ewwel ħamest ijiem mindu beda jintwera, daħħal 377 miljun dollaru Amerikan, jiġifieri 19-il miljun dollaru aktar mir-rekord preċendeti li kien għand il-film Frozen 2.

Bosta kritiċi tal-film ma kellhomx kliem tajjeb dwaru, iżda jidher li l-opinjoni tal-pubbliku ma tirriflettix l-istess ħsieb. Fil-fatt kiser aktar rekords, fosthom l-aqwa ftuħ għal film ibbażat fuq logħba u l-ogħla ftuħ għal din is-sena s’issa.