Sa issa, nippruvaw inbassru min se jirbaħ u min se jigi relegat. X’taħsbu?

Filwaqt li l-attenzjoni hija mixħuta fuq il-kompetizzjonijiet Ewropej, bħalissa l-klabbs tal-Premier għaddejjin bl-aħħar preparamenti tagħhom sabiex fil-jiem li ġejjin, jibdew it-taħrig għall-istaġun li se jibda f’Settembru. Dan l-istaġun ser ikollu xi tibdil fih, fosthom, li fl-ewwel ħdax jista’ jkun hemm tmien barranin u għalhekk, il-Maltin ser jonqsu għal tlieta. Barra minn hekk, għal xi wħud dan se jkun staġun iebes għaliex dis-sena se jiġu relegati erba’ timijiet sabiex mill-istaġun ta’ wara, il-Premier jintlagħab bejn tnax-il tim.

Ħafna timijiet kienu attivi fis-suq tat-trasferimenti u għalhekk, uħud jinsabu ħerqana sabiex jaraw jekk dawn l-akkwisti ġodda humiex tal-livell mistennija. Jidher li Ħamrun Spartans F.C. huma l-favoriti li jirbħu dal-kampjonat, però, il-klabbs Balzan F.C. u Birkirkara F.C. kapaċi joħolqu sfida. Wieħed ma jridx jinsa l-bdil li wettqu Valletta F.C. u Floriana F.C. u għalhekk bosta għandhom kurżità sabiex jaraw jekk din is-sena hux se tkun storja differenti mill-kampjonat preċedenti. Madankollu, is-suq tat-trasferimenti għadu miftuħ u għalhekk akkwist jista’ jagħmel differenza.

Maħduma fuq l-akkwisti li kien hemm sal-aħħar ġimgħa ta’ Lulju, hawn taħt għandek issib klassifika ta’ kif qed inbassru li ser jispiċċa dan il-kampjonat li ġej:

1. Ħamrun Spartans F.C.
2. Birkirkara F.C.
3. Balzan F.C.
4. Floriana F.C.
5. Valletta F.C.
6. Hibernians F.C.
7. Gżira United F.C.
8. Marsaxlokk F.C.
9. Mosta F.C.
10. Sliema Wanderers F.C.
11. Santa Lucia F.C.
12. Gudja United F.C.
13. Sirens F.C.
14. Naxxar Lions F.C.