Ħamrun u Gżira jerġgħu jgħaddu għat-tielet rawnd għat-tieni sena konsekuttiva.

Għal darba oħra, Ħamrun u Gżira irnexxielhom jgħaddu għat-tielet rawnd ta’ kwalifikazzjoni tal-UEFA Conference League. Barra min darhom, l-Ispartans irnexxielhom jegħlbu lil Dinamo Tbilisi bl-iskor ta’ 1-0 biex b’hekk jgħaddu b’aggregate ta’ 3-1, filwaqt li Gżira tilfu bl-iskor ta’ 2-1 kontra Dudelange tal-Lussemburgu u jgħaddu b’aggregate ta’ 2-3.

Kemm Gżira United F.C. u Ħamrun Spartans F.C. jaslu sa dan ir-rawnd għat-tieni darba konsekuttiva wara li anka s-sena l-oħra kienu protagonisti f’dan l-istadju. L-ewwel leg tat-tielet rawnd jintlagħab il-ġimgħa d-dieħla.