Tiktbu lil kulħadd Happy Birthday jew lil min hu viċin tiegħek biss?

Facebook għandu sistema li jtella’ min qed jiċċelebra għeluq sninu kuljum. Din ovvjament minħabba li fil-profil tiegħek inti tista’ tikteb din l-informazzjoni.

Issib min jagħżel li dan it-tagħrif ma jtiehx.

Huwa tajjeb li facebook ifakkrek għax kif trid tiftakar ta’ kulħadd?!

Hemm min ta’ kuljum idur isem isem ta’ min qed jiċċelebra għeluq sninu u jawguralu. Hemm min imbagħad, jagħżel lil min se jawgura.

Issib min jieħu għalih għax it-tali m’awguralux u hu min-naħa l-oħra jkun wassal ix-xewqat tiegħu.

Issib ukoll lil dawk li mhux talli jawgurawlek, iżda jkunu bilfors iridu jtellgħu ritratt miegħek.

Ċerimonji u affarijiet sbieħ fl-istess ħin. Diment li tieħu gost ma hemm xejn ħażin.

Imma tafu li hemm min jieħu għalih u jibblokkjak għax ma tkunx awgurajtlu? Tistkantaw b’xejn għax dawn huma fatti.