Il-fibromyalgia qed issir komuni. Xi tkun?
![Il-fibromyalgia qed issir komuni. Xi tkun?](https://stradarjali.com/wp-content/uploads/2024/02/Web_Banner_7-7-850x560.png)
Sirna nisimgħu b’ħafna nies li jbatu mill-Fibromyalgia. Din hija diżordni kronika li tikkawża uġiegħ, għajja fil-ġisem u anke problemi fl-irqad. Xjentisti ma jifhmux eżatt x’jikkawżaha ħlief li l-persuni li jbatu minnha, isofru ħafna minn uġieħ kbir.
Fost is-sintomi li jkun hemm meta persuna tbati mill-fibromyalgia, ikun hemm ukoll dipressjoni u ansjetà, problemi ta’ konċentrazzjoni u fuq il-ħsieb u anke migranja.
Għalkemm ma teżisti l-ebda kura fil-konfront tagħha, hemm trattamenti li jgħinu biex jitnaqqsu dawn is-sintomi. Bla dubju, l-eżerċizzju jibqa’ l-iżjed popolari. Hemm min sab rimedju fl-acupuncture, tai Chi jew inkella meditazzjoni u klassijiet tal-yoga.
Importanti li żżomm kalm u tirilassa kemm jista’ jkun. Dejjem nissuġerixxu li tieħdu parir professjonali meta niktbu suġġetti bħal dawn. L-għan tagħna huwa dejjem li nkomplu nqajmu kuxjenza filwaqt li ntukom kuraġġ. M’intomx waħedkom.