Illum, kapaċi ma tixxerja xejn f’ my story jew ma tħossokx tajjeb?

Tentazzjoni, bilfors, stress, tħossok mhux bħal ħaddieħor u ħafna aġġettivi oħra. Hekk ġabitna l-midja soċjali. Mingħajrha, ħafna nies jitilfu l-għixien tagħhom fid-dinja tal-lum.

Imma jekk il-ħobża tiegħek ma tibbażax minn hemm, xorta tħossok marbut li taderixxi bħall-kumplament?

Għaliex il-bniedem iħossu li jrid jagħmel dawn il-ġesti anke jekk joħolqulu stress?

“Ma nafx x’se nitfa” – “Titfa’ xejn” … tant li naqgħu f’livelli bla sens u tispiċċa tixxerja affarijiet li ma jagħmlux sens.

Din id-darba, dan is-suġġett li jmur id f’id mas-saħħa mentali, jiddependi minna nfusna. Imma kemm aħna kapaċi niirreżistu? Saret iebsa ħafna.

L-għajta popolari tibqa’ li llum trid turi nkella tintesa, titwarrad u jgħadduk. Kemm se tiġi agħar din it-tellieqa maż-żmien?

Hemm l-għajta l-oħra li ħaddieħor jagħmel li jrid u jien nagħmel li hemm bżonn.

Int ma’ liema waħda tagħmel?