JF Kennedy kien ħeġġeġ lill-Amerikani jibnu xelters – Dejjem bil-biża’ ta’ gwerer – Meta se nitgħallmu?
JFK kien ħeġġeġ lill-Amerikani biex jibnu xelters għall-bombi nukleari, propju fis-6 ta’ Ottubru, 1961
F’dan il-jum, il-President John F. Kennedy ta parir lill-familji tal-Istati Uniti biex jibnu xelters għall-bombi bħala protezzjoni minn effett atomiku f’każ ta’ skambju nukleari mal-Unjoni Sovjetika. Meta qajjem kwistjonijiet ta’ difiża ċivili tal-Gwerra Bierda, Kennedy qal li l-gvern dalwaqt jibda jipprovdi protezzjoni bħal din għal kull Amerikan.
“Hemm bżonn ta’ fehim nazzjon kollu ta’ x’jistgħu jagħmel kull qasam tal-gvern, kull organizzazzjoni privata u kull ċittadin biex iġibu u jżommu l-aħjar protezzjoni li tista’ tinkiseb għall-popolazzjoni ċivili kontra l-effetti ewlenin ta’ attakk termonukleari,” kien qal il-president.
Fil-25 ta’ Lulju, wara li s-Sovjetiċi imponew imblokk fuq Berlin tal-Punent, Kennedy qal f’diskors fuq it-televiżjoni meta ndirizza lill-pajjiż kollu li “f’każ ta’ attakk, il-ħajja ta’ dawk il-familji li ma jintlaqtux fi splużjoni u effetti nukleari xorta tista’ tkun salvata l-ħajja, jekk jistgħu jiġu mwissija biex jieħdu kenn u jekk dak il-kenn ikun disponibbli.”
Kompla jgħid: “B’dak it-tip ta’ assigurazzjoni għandna nirrispettaw lill-familji tagħna u lil pajjiżna… Iż-żmien li nibdew issa. Fix-xhur li ġejjin nittama li kull ċittadin ikun jaf x’passi jista’ jieħu mingħajr dewmien biex jipproteġi lill-familja tiegħu f’każ ta’ attakk. Naf li ma tkunx trid tagħmel inqas.”
