Attenti: Raġel Qed Jisraq Lill-Anzjani Wara Li Jkun Biegħlhom Biljett Tal-Lotterija

Għal dawn l-aħħar xhur saru diversi rapporti ta’ persuni li qed imur fid-djar privati tal-anzjani u wara li jkun biegħlhom biljett tal-lotterija, jisraqilhom il-flus li jkollhom f’idejhom.

Dan wassal biex diversi anzjani qed ikunu mwerwra fi djarhom stess.

F’każ minnhom li seħħ f’Jannar li għadda, jidher li fl-aħħar jiem irrepeta ruħu, meta l-istess raġel reġa’ mar għand waħda mill-anzjani u pprova jagħmel l-istess mossa ta’ xaharejn ilu.

Għaldaqstant qed isir appell biex dan il-persuna jinqabad waqt li l-anzjani joqgħodu aktar attenti meta jifħtu l-bieb tad-dar tagħhom, speċjalment jekk ikunu waħidhom.

Appell simili sar minn Nancy Aquilina li fuq il-midja soċjali kitbet dak li għaddiet minnu ommha.