Żmien Eċitanti Għall-Casino Notabile Mdina
Hekk kif bil-mod il-mod qed nerġgħu lura għal noramlità b’kawtela, bosta artisti qed jagħmlu kuntatt mal-Casino Notabile Mdina biex fih itellgħu wirjiet artistiċi.
Matul il-pandemija, ukoll baqgħu għaddejjin attivitajiet dejjem b’attenzjoni lejn ir-regoli li kien hemm fis-seħħ mill-Awtoritajiet.
Issa jmiss li bejn il-5 u l-11 ta’ Ġunju tittella’ wirja mill-artisti fi ħdan l-Art Club 2000 tal-Mellieħa li mhux l-ewwel darba li għamlu użu minn dan il-post b’bosta xogħlijiet interessanti. B’kollox se tkun esebita arti minn 31 artisti.
Fl-istess xahar, bejn il-25 ta’ Ġunju sat-18 ta’ Lulju, Jennings Falzon mill-Anima Studio tan-Naxxar ser itella’ wirja interessanti għall-ewwel darba fil-Casino Notabile Mdina. Falzon huwa artisti prolifiku li xogħolu joħloq interess u diġà kien esebit kemm f’Malta u anke barra minn xtutna. Falzon kien wieħed mill-finalisti li attenda fl-Istatit Uniti fejn esebixxa presepju bi stil differenti fil-Bible Museum.
Agħmlu kuntatt mal-Casino Notabile Mdina fuq [email protected]
Ritratt: Facebook/ Casino Notabile Mdina (Disinn tal-logo: Clayton Saliba)
