Jekk Inti Kantant Ġdid Mela Din L-Opportunità M’Għandekx Titlifha!

Festivals Malta ħabbar li bħalissa qed joffri opportunita’ ġdida lil sitt artisti li jixtiequ jagħtu spinta lill-karriera mużikali tagħhom permezz ta’ programm televiżiv ġdid li ser jibda f’Ottubru li ġej fuq TVM. Din l-avventura unika ser tara lir-rebbieħ jipparteċipa fil-konkors Mużika Mużika bħala wieħed mis-semifinalisti!

Il-programm ser ikun qed jagħti ċans lil kantanti ġodda biex jitħarrġu aktar fuq it-talent tagħhom permezz ta’ pariri mingħand diversi esperti fl-industrija tad-divertiment. L-artisti magħżula ser ikunu qed jaħdmu ma’ esperti tal-vuċi, stilisti tal-moda, koreografi u tekniċi oħra biex mhux biss jitgħallmu jirfinaw il-prestazzjoni tagħhom iżda jsiru x’tinvolvi karriera professjonali f’din l-industrija.

Biex wieħed ikun jista jikkompeti jrid ikollu nazzjonalità jew ċittadinanza Maltija, eta’ ta’ bejn is-16 u l-21 sena, kif ukoll ma jkunx għadu kkompeta f’konkorsi kbar oħrajn.

Mela jekk tixtieq titħarreġ dwar xi jfisser li tkun kantant/a professjonali, tħobb il-lingwa Maltija u taħseb li int għandek il-potenzjal meħtieġ, applika www.festivals.mt sas-6 t’Awwissu. Aħna ħerqana ferm naraw x’talent ġdid ser joħroġ permezz ta’ dan il-programm!