Il-PM Robert Abela Jsellem Il-Memorja Tal-Perit Dom Mintoff

Il-Prim Ministru u Mexxej tal-Partit Laburista, Robert Abela flimkien mal-Amministrazzjoni tal-Partit Laburista sellmu l-memorja tal- Perit Dom Mintoff, eks-Prim Ministru ta’ Malta u Mexxej tal-Partit Laburista permezz ta’ tqegħid ta’ fjuri mal-monument tiegħu f’Bormla.

L-eks Prim Ministru Mintoff twieled 105 snin ilu u huwa deskritt minn bosta bħala ġgant fil-politika Maltija, magħruf għal numru ta’ proġetti soċjali li wettaq, l-investimenti li ġab u l-avvanzi kostituzzjonali importanti bħall-kisba ta’ ħelsien sħiħ mir-Renju Unit.