Illum Raġel Sirjan Tressaq Il-Qorti T’Għawdex Akkużat B’Serq Aggravat

Raġel Sirjan ta’ 24 sena residenti ż-Żebbuġ, Għawdex illum tressqet b’arrest fil-Qorti t’Għawdex, quddiem il-Maġistrat Dr Simone Grech LL.D.

Hu ġie akkużat b’serq aggravat, ikkaġunar ta’ feriti ħfief fuq raġel ieħor Sirjan ta’ 25 sena residenti is-Sannat, Għawdex, kif ukoll bi ksur tal-paċi u l-bon ordni pubblika. Il-każ seħħ nhar l-5 ta’ Awwissu 2021, fl-inħawi ta’ Triq ir-Rabat ġewwa Marsalforn, limiti taż-Żebbuġ, Għawdex.

L-imputat wieġeb mhux ħati għall-akkużi miġjuba fil-konfront tiegħu u ngħata l-libertà proviżorja taħt diversi kundizzjonijiet.

Il-Prosekuzzjoni tmexxiet mill-Ispettur Josef Gauci.