Georvin Bugeja Kkonfermat Bħala Viċi-President Taż-Żgħażagħ Soċjalisti Ewropej

Matul il-Kungress taż-Żgħażagħ Soċjalisti Ewropej (YES) li kien organizzat għall-ewwel darba f’Malta, il-President ta’ Żgħażagħ Laburisti Georvin Bugeja reġa’ ġie elett Viċi-President tal-YES għal mandatt li jasal fi tmiemu fl-2023.

Matul dan il-Kungress bit-tema ‘Together for a Fair & Green Recovery’ imtella’ matul tmiem il-ġimgħa li għaddiet, tressqu ammont ta’ riżoluzzjonijiet għad-diskussjoni minn organizzazzjonijiet taż-żgħażagħ Ewropej, marbuta mat-tema ta’ rkupru b’saħħtu, id-drittijiet ċivili, l-ambjent, is-saħħa u l-ekonomija.