8 razez ta’ klieb ideali għall-kumpanija tajba!

Li jkollok pet, jgħinek tgħix ħajja iżjed f’saħħitha, irrelevanti l-età tiegħek. Li tkun responsabbli mill-kelb, jgħinek ukoll tagħmel xi ftit eżerċizzju, anke sempliċi … inkella l-kelb ma jħallikx bi kwietek jekk ma toħorġux xi ftit. Iġiegħelek titbissem ukoll. Wisq ħelwin.

L-iżjed popolari huma dawn:

1. poodle. Sufin, żgħar, xi ftit storbjużi imma ġentili.
2. bichon frise. Għandhom bżonn ftit manutenzjoni imma wkoll ħelwin u żgħar.
3. beagle. Simpatiċi mmens u fessudin wisq. Ituk ħafna mħabba.
4. pomeranian. Mimlijin enerġija, kwieti u intelliġenti ħafna.
5. french bulldog. Wisq kuċċli. Widnejhom qishom ta’ fenek. Jeċitaw ruħhom spiss.
6. Maltese. kelb sabiħ immens. Nadif u jħobbu joqogħdu f’ħoġrok.
7. greyhound. Kelb xi ftit imdaqqas. Rett u attent. Iħobbu jtellqu imma wkoll jimteddu fuq is-sufan.
8. Schanuzer. Fihom kumpanija ħelwa u jħobbu jkunu ttrenjati. trid l-enerġija magħhom.

Biss dejjem huwa importanti li qabel iġġib kelb, tara li tiflaħ għalih, għandek il-ħin, u li tieħu ħsiebu kif suppost. Jekk iġġib kelb biex tgħid għandek kelb, aħjar ma tintriga xejn.

L-annimali jtuna ħafna mħabba u iżjed. Minnhom nitgħallmu u nkunu iżjed ferħana.