Erġajna! Donnu Ma Nitgħallmux! Diġà Qalgħu Multa 84 Persuna Pożittivi Għall-Covid-19
Is-Supretendent tas-Saħħa Pubblika Charmaine Gauci tenniet li minn meta bdew l-ispezzjonijiet fuq nies li jinsabu iżolati minħabba li huma pożittivi għall-Covid-19 jew inkella fi kwarantina, b’kollox saru mas-66,000 spezzjoni.
Inħarġu diġà 84 multa lil nies li huma pożittivi għall-virus u li nqabdu jiksru r-regoli tal-iżolament.
Apparti hekk, inħarġu wkoll 202 multi għall-persuni li jinsabu fi kwarantina; kemm li ġew f’kuntatt ma’ persuni nfettati kif ukoll dawk li ġew Malta minn pajjiżi fejn hemm trasmissjoni għolja u għalhekk riedu jsegwu kwarantina obbligatorja.
Donnu bil-multi nitgħallmu!
Ritratt: Malta Police Association
