“…Nirċievi Telefonata B’Leħen Maqsum Mingħand Ibni… Qalli Da Larkin Għadu Kif Telaqna Issa”
“Kmieni dalgħodu nirċievi telefonata b’leħen maqsum mingħand ibni Damian mill-Ġappun. Qalli “da. Larkin għadu kif telaqna issa”. Issummani u bkejt u anke jien u nikteb dan il-kliem għajnejja huma mimlija dmugħ”, kiteb John Busuttil fuq il-facebook tiegħu.
Tenna kif għalkemm qatt ma ltaqa’ personalment miegħu, il-familja ta’ Larkin kienet u għadha tagħmel parti mill-familja tiegħu u jqis lill-ibnu Damian bħala ħuħ.
“Tant li kien hu li ċempilli dalgħodu eżatt kif għalaqt għajnejk għall-aħħar darba. Larkin il-ftit snin li gawdejt din il-ħajja apparti għall-mumenti li qattajt l-isptar, qattajt ħajtek dejjem titbissem.”
Sejjaħ lil Larkin bħala żagħżugħ mimli pozittivita u li bla dubju li se jibqa’ fil-memorja ta’ kull min jafu speċjalment ta’ missieru Emanuel.
“Kondoljanzi ħbieb tiegħi u addio Larkin”, temm jgħidlu John.
Minn StradaRjali.com nixtiequ nwasslu l-kondoljanzi tagħna lill-familjari…
