Araw Kemm Inbidel Dan Il-Post!!!

Mhu imkien ħlief Wied il-Għajn fil-bidu tas-seklu 20. Ir-ritratt huwa ta’ Ellis.

Jeżistu diversi opinjonijiet dwar l-oriġini tal-isem ta’ Marsaskala. Filwaqt li kulħadd jaqbel li ‘Marsa’ hija kelma Għarbija li tfisser daħla tal-baħar, ‘skala’ ġiet mogħtija aktar minn interpretazzjoni waħda.

Jista’ jkun li hi meħuda minn ‘Sqalli’, għaliex Wied il-Għajn kien post iffrekwentat minn sajjieda Sqallin, iżda jista’ jkun ukoll li ġejja minn ‘piccola cala’.

Fil-fatt, Marsa-Cala tidher f’xi dokumenti antiki.

Forsi wkoll li Marsaskala hi referenza għal xi turġein (Marsa-Scaletta) li kienu jeżistu fil-baħar.

Interessanti hux?!