Mara Tintlaqat Minn Karozza F’San Ġiljan U Tittieħed L-Isptar

Għall-ħabta tat-8:15 ta’ dalgħodu Bulgara ta’ 42 sena ntlaqtet minn karozza li kienet qed tinstaq minn Norveġiża ta’ 43 sena.

L-inċident seħħ fi Triq Birkirkara, San Ġiljan.

Fuq il-post issejħet l-assistenza tal-membri tal-Pulizija u ta’ tim mediku, li ħa lill-mara l-isptar Mater Dei għal aktar kura.

Il-kundizzjoni tal-mara għadha mhux magħrufa.

L-investigazzjonijiet tal-Pulizija dwar dan il-każ għadhom għaddejjin.