Raġel Ta’ 29 Sena Weġġa’ Gravi F’Inċident Bil-Mutur Fix-Xemxija

Raġel Malti ta’ 29 sena weġġa gravi wara li tilef il-kontroll tal-mutur li kien qiegħed isuq.

L-inċident seħħ illum għall-ħabta ta’ nofsinhar, f’Telgħet ix-Xemxija, San Pawl il-Baħar.

Minn stħarriġ preliminari rriżulta li r-raġel tilef il-kontroll tal-mutur Yamaha YZF R1 li kien qiegħed isuq u waqa’.

Ir-raġel ingħata l-assistenza minn tim mediku u ttieħed l-Isptar Mater Dei b’ambulanza. Aktar tard ġie ċċertifikat bi ġrieħi gravi.

L-investigazzjonijiet tal-Pulizija għadhom għaddejjin.