Raġel Isofri Ġrieħi Gravi F’Inċident Tat-Traffiku F’San Ġiljan

Illum, għall-ħabta tas-sebgħa ta’ filgħodu, il-Pulizija ġiet infurmata b’inċident tattraffiku fi Triq Mikiel Anton Vassalli, San Ġiljan.

Il-Pulizija marret immedjatament fuq il-post u mill-ewwel investigazzjonijiet irriżulta li seħħ inċident bejn Toyota Corolla misjuqa minn raġel ta’ 38 sena residenti Ħal Qormi u Isuzu Elf, li kien qed jinstaq minn Albaniż ta’ 31 sena.

Fl-Isuzu kien hemm ukoll żewġ Albaniżi oħra, ta’ 28 sena u 26 sena.

Ir-raġel ta’ 26 sena ngħata l-għajnuna minn tim mediku, ittieħed l-Isptar Mater Dei b’ambulanza u aktar tard ġie ċċertifikat li qiegħed isofri ġrieħi gravi.

L-investigazzjonijiet tal-Pulizija għadhom għaddejjin.