Imut L-Aħħar President Tal-Unjoni Sovjetika, Gorbachev
OTTAWA, CANADA – 30 MAY 1990: President of the Soviet Union Mikhail Gorbachev giving a speech during his visit to Ottawa, Canada, on 30th May 1990. (Photo by Wojtek Laski/Getty Images)
Tard it-Tlieta filgħaxija tħabbret il-mewt tal-aħħar President tal-Unjoni Sovjetika, Mikhail Gorbachev fl-eta ta’ 91 sena.
Gorbachev mexxa l-Unjoni Sovjetika bejn l-1988 u l-1991, u kien taħt it-tmexxija tiegħu fejn seħħ il-kollass tal-Unjoni Sovjetika, fi żvilupp li temm il-gwerra bierda, bejn żewġ superpotenzi; ir-Russja u l-Istati Uniti.
Gorbachev kien imexxi l-Partit Komunista Russu għall-iżjed minn sitt snin, bejn Marzu 1985 u Awwissu 1991.
Skont aġenziji tal-midja internazzjonali qed jiġi rrappurtat li l-eks President tal-Unjoni Sovjetika miet ġewwa l-isptar, hekk kif kien ilu marid għal dan l-aħħar żmien.
Gorbachev f’Malta
Fil-bidu ta’ Diċembru tal-1989, Gorbachev kien żar Malta għal summit flimkien mal-President tal-Istati Uniti, George H. W. Bush. Dan is-summit jibqa’ mfakkar hekk kif iż-żewġ pajjiżi superpotenzi ltaqgħu f’Malta bħala pajjiż newtrali f’nofs il-Mediterran, fejn kienet pass ieħor ‘il quddiem sabiex tintemm il-gwerra bierda.
