Angela Agius tagħlaq 46 sena fix-xandir … Tistaqsi jekk il-midja nbidlitx għall-aħjar!

Angela Agius, personalità maħbuba ferm mill-pubbliku fuq it-televiżjoni Maltija, ippubblikat ritratti sbieħ b’nostalġija li jfakkruha meta 46 sena ilu bdiet karriera fix-xandir.

“Illum bi ftit nostalgija niftakar li … Kien April 1978 li bdejt naħdem bħala xandara għal ‘Voice of friendship and Solidarity’

Illum nħares lura lejn dawn it-46 sena u niftakar fit-tlugħ u nżul li ltqajt magħhom fil karriera tiegħi.

Kemm kien sabiħ ix-xandir li niftakar jien!”

Kompliet tispjega li bis-sempliċità li kienu jaħdmu bih, ir-rediffusion, announcer fir radju u televiżjoni dak iż-żmien kienu għadhom ixandru black and white. “Radju bi programmi bħal ‘għażla tas-semmiegħa’ u il-munzelli ta’ ittri li konna nirċievu kulljum.”

Żgur li huma tifkiriet ħelwin għal Angela. Irringrazzjat lil kul min b’xi mod għenha fil-karriera tagħha, ħallew timbru fiha u għallmuha.

Itemm billi tgħid li llum kollox inbidel u ssaqsi: “Però kif? Għal aħjar jew għal agħar? Għiduli intom!”

intom x’taħsbu? Awguri Angela.