Jekk għandek qattus, għandek tkun taf…
Inti għandek qattus/a? Kont taf li b’din id-deċiżjoni, qed tiggwadanja saħħtek ukoll.
Dawn li ġejjin huma 5 benefiċċji li l-qattus/a qed jagħmillek għal saħħtek:
1. Itejbu qalbek
Studju juri li 30% sa 40% li ma għandhomx qattus/a kienu iżjed f’riskju li jmutu b’mard tal-qalb.
2. Jagħtu spinta ‘l quddiem lis-sistema immunitarja
Min għandu qattus/a, ibati inqas mid-dipressjoni, jidħak iżjed u jagħmel iżjed eżerċizzju. Ukoll, qattus/a jindunaw meta tkun ma tiflaħx!
3. Inaqqsulek l-allerġiji u problemi respiratorji
Tfal li jikbru mal-qatates, jiżviluppaw immunità għall-allerġiji minn età żgħira. Studji juru li hemm ċans żgħir li dawn jiżviluppaw problemi respiratorji.
4. Inaqqsulek il-pressjoni
Meta toqgħod tmelles il-qattus/a, tikkalma u għaldaqstant tista’ tonqoslok il-pressjoni. Fil-fatt, studju juri li min għandu xi annimal domestiku, għandu pressjoni baxxa.
5. Inaqqsu l-effetti tas-solitudni
Li jkollok qattus/a jfisser li għandek interazzjoni soċjali f’ħajtek. Jekk inti persuna b’grupp żgħir ta’ nies f’ħajtek, qattus/a jgħinuk tħoss inqas dak il-vojt u tħossok inqas waħdek.
