X’tixtieq tagħmel la tikber?
Din kienet mistoqsija li konna nistaqsu lit-tfal żgħar. Kienu anke saħansitra jiġu mistoqsija fil-klassi quddiem tfal oħrajn biex kulħadd jitgħallem dwar l-irwoli li jeżistu fis-soċjeta’ tagħna. Hemm min jgħidlek, għalliema, puluzija, veterinarju jew anki hairdresser. Il-possibiltajiet ta’ xogħol huma infiniti u kollha huma importanti ndaqs. Iżda issa li kbirna u ħafna minna għandna xogħol, nistaqsu l-istess mistoqsija lilna nfusna u lil xulxin, dak li xtaqt tkun meta kont iżgħar, huwa l-istess irwol li qed tagħmel illum il-ġurnata?
Għalxhiex taħseb li kont tgħid li tixtieq tkun għalliema jew puluzija meta kont iżgħar? X’ kienet dik ir-raġuni?
